About Me

My photo
nuwakot, nepal, nepal, Nepal
नुवाकोट सन्देश साप्ताहिक हरेक शुक्रवार नुवाकोट जिल्लावाट प्रकाशन भईरहेको साप्ताहिक पत्रिका हो । समाचार र विचारको लागि नुवाकोट सन्देश साप्ताहिक पढ्ने गर्नुहोला ।

Thursday, December 21, 2017

नुवाकोटमा वालुवा ब्यवसायीको दादागिरी भूकम्प पिडितलाई सहुलियत नदिन आन्दोलनको घोषणा

श्रीराम नेपाल ÷नुवाकोट
७ पुस । 
नुवाकोटका क्रसर तथा वालुवा प्रशोधन ब्यवसायीहरुले जिल्लाका भूकम्प पिडितलाई सहुलियतमा गीटि वालुवा दिनुपर्ने निर्णयको विरोध गर्दै कारोवार ठप्प पार्ने चेतावनी दिएका छन् । जिल्लाका गाउँपालिका तथा नगरपालिकाका प्रमुखसँगको वैठकमा जनप्रतिनिधीले भुकम्प पिडितलाई सहुलियतमा गिटी वालुवा उपलब्ध गराउन अनुरोध गरेपछि क्रसर ब्यवसायीले यस्तो निर्णय गरेका हुन् । 
व्यवसायीहरुले एक बिज्ञप्ती  जारी गदै अनिश्चीतकालका लागि बालुवा र गिट्टी बिक्री बितरण बन्द गरेको घोषणा गरेका छन् । व्यवसायीहरुद्धारा जारी बिज्ञप्तीमा भनिएको छ नुवाकोट बालुवा प्रशोधन व्यवसायी संघका अध्यक्ष राजकुमार थापा, उपाध्यक्ष प्रकाश राई र महासचिब कृष्ण अधिकारीद्धारा जारी बिज्ञप्तीमा भुकम्प पिडतलाई सहुलियत दिनुपरेमा टिफर व्यवसायी, क्रसर व्यवसायी लगायत बालुवा प्रशोधन व्यवसायी र भुकम्प पिडीतहरु सहितको एकबद्धतामा चक्का जाम र नुवाकोट बन्द समेत गरिने धम्की दिईएको छ । जनप्रतिनिधीहरुले भुकम्प पिडितलाई सहुलियत दिन गरेको आग्रहलाई ब्यवसायीहरुले अनावस्यक झमेलाको रुपमा लिर्दै आन्दोलनको घोषणा गरेका हुन् । विज्ञप्तीमा आफूहरुले भूकम्प पिडितलाई सहुलियत दिन खोजेको तर जनप्रतिनिधीले कर लगाई झमेला दिईएको आरोप लगाईएको छ । 
जिल्लामा हाल चार दर्जन बढि वालुवा प्रशोधन केन्द्रहरु रहेका छन् । नुवाकोटमा वैधानिक क्रसर उद्योग एउटा पनि नरहेको कारण घरेलु तथा साना उद्योग विकास समितिमा धादिङ जिल्लावाट वालुवा ल्याई प्रशोधन गर्ने भन्ने कागजात पेश गरेर ती केन्द्रहरु दर्ता भएका हुन् । तर, प्रशोधन केन्द्रहरुले जिल्लाकै विभिन्न अवैधानिक खानीबाट वालुवा उत्खनन् गरी प्रशोधन गर्दै आएको पाईएको छ । केहि प्रशोधन केन्द्रले प्रशोधनको ईजाजतपत्र देखाएर त्रिशूली नदीबाट वालुवा उत्खनन् गर्दै आएको समेत पाईएको छ । जथाभावी रुपमा प्रशोधन केन्द्र संचालनमा आएका छन्–वेलकोट गढी नगरपालिकाका प्रमुख राजेन्द्ररमण खनालले भने–वैधानिक रुपमा संचालन गर भन्दा करोडौंको लगानी फसाउन खोजेको भनेर जनप्रतिनिधीमाथि नै ब्यवसायी खनिने गरेका छन् । ब्यवसायी र जनप्रतिनिधी विच जिल्ला समन्वय समितिको कार्यालयमा सम्पन्न अन्तक्र्रियामा ब्यवसायीहरुले पटक–पटक ब्यवसाय संचालन गर्न पाउने अधिकार कुण्ठित गरेको भन्दै जनप्रतिनिधीको आलोचना गरेका थिए । जनप्रतिनिधीहरुले लगानी गरेकै नाममा अवैध काम गर्न छुट दिन नसकिने वताएपछि ब्यवसायी र जनप्रतिनिधीविचमा वाकयुद्ध नै चलेको थियो । विदुर नगरपालिकाकी उपप्रमुख गिता दाहालले भनिन्–करोड होईन अरवौ÷खर्वौ लगानी गरेपनि ब्यवसाय अवैध छ भने वैध काम गर्न सुझाव दिनु जनप्रतिनीधीको कर्तब्य हो । 
व्यवसायीहरुले अनिश्चीतकालका लागि बालुवा गिटी बिक्री बितरण नगर्ने घोषणा गरेपछि नुवाकोटका भुकम्प पिडीत भने मर्कामा परेका छन् । पुस मसान्त सम्ममा दोस्रो किस्ता नलिएमा पैसा नपाउने सरकारले बताइरहेको अवस्थामा व्यवसायीहरुको हडतालले भुकम्पपिडीतहरु मर्कामा परेका हुन् । सहुलियत दिनुपर्छ भनेर ब्यवयाय वन्द गरेको विज्ञप्ती जारी गरिएपनि प्रशोधन केन्द्र र क्रसरबाट वालुवा विक्री भने नरोकिएको स्थानीय उपभोक्ताहरु बताउछन् । 

Saturday, December 9, 2017

नुवाकोटका सवै क्षेत्रमा वाम गठवन्धन विजयी

श्रीराम नेपाल/नुवाकोट समाचारदाता
मंसिर २४, नुवाकोट
नुवाकोटको प्रतिनिधिसभा प्रदेश सभा निर्वाचनमा सवै क्षेत्रमा वाम गठवन्धन विजयी भएको छ । नेपाली कांग्रेसका केन्द्रिय सदस्य तथा पूर्वमन्त्रिहरु डा रामशरण महत र अर्जुननरसिंह केसी पराजित हुनुभएको छ । ।
नुवाकोट क्षेत्र नम्बर १ मा माओवादी केन्द्रका हितबहादुर तामाङ विजयी हुनुभएको छ । तामाङ ३६ हजार ४७३ मत प्राप्त गरि विजयी हुनुभएको हो । उहाँका प्रतिस्पर्धी नेपाली कांग्रेसका नेता डा. रामशरण महतले २७ हजार हजार ९२०मत प्राप्त गर्नुभयो । प्रतिनिधिसभा सदस्य निर्वाचन क्षेत्र नं. २ मा नेकपा (एमाले)का उम्मेदवार नारायणप्रसाद खतिवडा ३६,८९२ मत ल्याएर बिजयी हुनुभएको छ । नेपाली काँग्रेसका उम्मेदवार अर्जुननरसिंह केसीले २६,३३५ मत प्राप्त गर्नुभयो । बिजयी हुनुभएका एमालेका उम्मेदवार खतिवडाले १०,५५७ मत बढी ल्याउनुभएको हो ।
यस्तै, प्रतिनिसभा सदस्य–१ को प्रदेश ‘क’ मा नेकपा (माओवादी केन्द्र)का उम्मेदवार राधिका तामाङले १८,१३७ मत ल्याएर बिजयी हुनुभएको छ । नेपाली काँग्रेसका उम्मेदवार महेन्द्र थिङले १३,३६८ मत प्राप्त गरेको निर्वाचन अधिकृत गोपाल लामिछानेले जानकारी दिनुभयो । माओवादी केन्द्रका उम्मेदवार तामाङले ४,७६९ मतान्तरले बिजयी हुनुभएको हो ।
यस्तै, प्रदेश ‘ख’ तर्फ नेकपा एमालेका उम्मेदवार बद्री मैनाली २०,५०९ मत ल्याएर बिजयी हुनुभएको छ । नेपाली काँग्रेसका उम्मेदवार रमेशकुमार महतले १२,२१७ मत प्राप्त गरेर निकटतम प्रतिस्पर्धी बन्नुभयो । एमाले उम्मेदवार मैनालीले ८,२९२ मत बढी ल्याएर बिजयी हुनुभएको हो ।
यस्तै, नुवाकोटको प्रतिनिधिसभा निर्वाचन क्षेत्र नं. २ को प्रदेशसभा ‘क’मा नेकपा एमालेका उम्मेदवार केशवराज पाण्डेले २०,००९ मत ल्याएर बिजयी हुनुभएको छ । नेपाली काँग्रेसका उम्मेदवार जगदिश्वरनरसिंह केसीले १२,७२९ मत प्राप्त गर्नुभयो । बिजयी हुनुभएका एमालेका उम्मेदवार पाण्डेले ७२८० मत बढी ल्याउनुभएको हो । प्रतिनिधिसभा क्षेत्र नं. २ को प्रदेश ख मा बाम गठबन्धनका उम्मेदवार हिरानानाथ खतिवडाकोे १५ हजार ५८९ मत ।  नेपाली कांग्रेसका जगत तामाङले १२७८० मत ।

Wednesday, December 6, 2017

प्रकाशशरण महत माथि दूर्व्यवहार

काठमाडौं । नेकपा एमालेका महासचिव ईश्वर पोखरेलका कार्यकर्ताहरुले नेपाली काँग्रेसबाट काठमाडौं क्षेत्र नं ५ का उम्मेदवार डा प्रकाशशरण महत माथि दूर्व्यवहार गरेका छन् । प्रतिनिधि सभा तथा प्रदेश सभा सदस्य निर्वाचनको अघिल्लो दिन उनीहरुले काठमाडौंको बसुन्धरामा महतमाथि दूर्व्यवहार गरेका हुन् । 
बसुन्धरास्थित विजी मार्टको माथिल्लो तल्लामा रहेको स्थानीय काँग्रेस कार्यकर्ता श्री सापकाेटाको कार्यालयमा काँग्रेसका केही कार्यकर्ताहरुसँग चिया खार्इरहेका डा महत सहित करिब आधा दर्जन नेता कार्यकर्तामाथि एमाले कार्यकर्ताले दूर्व्यवहार गरेका हुन् । 
टोखा नगरपालिका वडा न‌ं ७ का वडाध्यक्ष नरोत्तम राना मगरको नेतृत्वमा आएका करिब ७०-७५ जनाको टोलीले महत सहितका नेता तथा कार्यकर्तामाथि एक्कासी दूर्व्यवहार गरेका हुन् । साँझ ६ बजेको आसपासमा महत बसेको कार्यालयको ढोका फोर्दै उनीहरु तोडफोडमा समेत उत्रिएका थिए। स्थानीय जनप्रतिनिधि समेत रहेका रानाको नेतृत्वमा आएका उनीहरुले गुण्डागर्दी शैलीमा महत र उनीसँगै रहेका पूर्व सा‌ंसद् बहादुर लामामाथि समेत हातपातको प्रयास गरेका थिए । 
महत लगायतका नेता कार्यकर्तामाथि दूर्व्यहार भएको थाहा पाएपछि काँग्रेसका कार्यकर्ताहरु पनि बसुन्धरा पुगेका थिए । उनीहरुले पछि प्रहरीलार्इ समेत खबर गरेपछि एमाले कार्यकर्ताहरु तितरवितर भएका थिए ।
मौन अवधिको सम्मान गर्दै प्रचारप्रसारमा ननिस्किएपनि चुनावी रणनीति र बुथमा खटिने कार्यकर्ताहरुको बन्दोबस्तीको विषयमा छलफल गर्नको लागि केही सीमित कार्यकर्ताहरुसँग गरिएको छलफलको बेलामा एमालेका कार्यकर्ताहरुले गरेको दादागिरी र हुलहुज्जतको काँग्रेस उम्मेदवार महतले भर्त्सना गरेका छन् । उनले आफू माथिको यो आक्रमण एमालेहरुको पराजीत मानसिकताको उपज भएको बताएका छन् । 

Monday, November 6, 2017

एम्बुलेन्स दुर्घटनामा एकको मृत्यु


कात्तिक २१  । नुवाकोटको तादी गाउँपालिका वडा नं ४ स्थित सुन्दरादेवीको बाह्रबिसेमा आज विहान एम्बुलेन्स दुर्घटना हुँदा एक जनाको मृत्यु भएको छ । कान्तिपुर डेन्टल जनरल हस्पिटल, नयाँबजार काठमाडौँबाट सञ्चालनमा रहेको बा १६ च ८९७ नं. को एम्बुलेन्स दुर्घटना हुँदा मकवानपुर मनहरीका २४ वर्षिय सन्दीप भारतीको मृत्यु भएको नुवाकोट प्रहरीले जनाएको छ ।
एम्बुलेन्स सडकबाट करिब ५० मिटर तल पुगेको जिप्रका नुवाकोटका प्रहरी नायब उपरीक्षक मधुकरजंग विष्टले जानकारी दिनुभयो । एम्बुलेन्समा समुन्द्रटारबाट तीनजना चढेर काठमाडौँ जान लागेको भए पनि दुर्घटनापछि बाँकी दुईजना सम्पर्कमा नआएको प्रहरीले जनाएको छ । एम्बुलेन्सका चालक को थिए भन्नेसमेत खुल्न बाँकी छ । दुर्घटनापछि एम्बुलेन्स सञ्चालन गर्ने संस्था कान्तिपुर डेन्टल जनरल हस्पिटललाई जानकारी गराएकाले त्यहाँबाट प्रतिनिधि आएपछि थप जानकारी खुल्ने प्रहरीले जनाएको छ । एम्बुलेन्समा सवार अन्य दुई जना सम्पर्कमा नआएकोले घटना रहस्यमुलक रहेको र अनुसन्धान जारी रहेको विष्टले जानकारी दिनुभयो ।

Sunday, November 5, 2017

परिवर्तन संस्थागत गर्न कांग्रेसको जित आवस्यक–डा. महत

नुवाकोट सन्देश समाचारदाता
विदुर, कार्तिक २० गते ।
नेपाली कांग्रेसका नेता तथा नुवाकोट क्षेत्र नं १ का उम्मेद्वार डा रामशरण महतले मूलुकमा भएको परिवर्तन संस्थागत गरी दिगो आर्थिक विकासका लागि नेपाली कांग्रेसको विजय आवस्यक रहेको वताएका छन् । आफ्नो निर्वाचन क्षेत्रको छहरे, लिखु, चिसापानी लगायत स्थानमा चुनावी भेटघाट र सम्बोधनमा रहेका डा महतले   लोकतन्त्र, बहुलवाद, जनताका अधिकार, महिला तथा जातजातिका अधिकार, सामाजिक न्याय लगायत आर्थिक परिवर्तन र रुपान्तरणका लागि नेपाली कांग्रेसको विकल्प नरहेको वताएका हुन् ।
नुवाकोटको आर्थिक, सामाजिक विकासमा आफू सँधै क्रियाशिल रहेको स्मरण गर्दै नेता डा महतले लिखु, खानीगाउँ, चौघडा, लगायत क्षेत्रमा आफ्नो पहलमा विकासका पूर्वाधारहरु वनेकैले यस क्षेत्रको आर्थिक सामाजिक विकास लोभलाग्दो देखिएको वताए । वर्तमान वाम गठवन्धन सत्ता र शक्ति प्राप्तीका लागि मात्र भएको भन्दै डा महतले कम्युनिष्टबाट आर्थिक सम्बृद्धी सम्भव नरहेको वताए । नेता महतले भने –‘ एमाले र माओवादीहरु संसदबाद, बहुलवाद, स्वतन्त्र प्रेस, स्वतन्त्र न्यायालय, मानव अधिकार, उदार आर्थिक नीति जस्ता कांग्रेसका आर्थिक तथा राजनीतिक एजेण्डामा लगभग आइसकेका छन भनेको त फेरि उनीहरु कम्युनिष्टको नाममा गठबन्धन गरिरहेका छन । यो लोकतन्त्रका लागि ठूलो खतरा हो । विश्व राजनीति तथा आर्थिक परिवेशमा आएको परिवर्तनलाई उनीहरुले मनैदेखि स्वीकारेको देखिएन ।’
जनतालाई यी अधिकार दिलाउन कांग्रेसले ठूलो त्याग तपस्या, बलिदान गरेको उल्लेख गर्दै नेता महतले  यी अधिकारहरु कुण्ठित गर्ने कुनै पनि गतिविधिहरु कांग्रेसलाई असह्य हुने बताए । माओवादी केन्द्रका अध्यक्ष प्रचण्डले गठबन्धन गरेलगत्तै आगामी दश बर्ष्भित्रमा साम्यबाद ल्याउने उद्घोष गरेको प्रसंग उल्लेख गर्दै उनले भने , ‘जनताको अधिकार कुनै हालतमा खोस्न पाइदैन । संसारबाट लोप भैसकेको कम्युनिष्ट शासन व्यवस्था नेपालमा कसैले स्वाकार्ने छैन । जनताले कम्युनिष्ट शासन व्यवस्था ल्याउनेमा मत दिँदैनन् । तर गठबन्धनभित्रको अन्तर्यका बारेमा जनतालाई स्पष्ट कुरा भनिदिनुपर्छ ।’
नेता महतले २०४८ सालमा कांग्रेस सरकारले शुरु गरेका उदार आर्थिक नीतिका कारण अर्थतन्त्रको आधुनिकीकरण भएको र माओवादी हिंसा र राजनीतिक अस्थिरताका बीच उल्लेखनीय उपलब्धिहरु हासिल भएको बताए । उनको भनाई थियो, सामन्तवादी संरचनालाई रुपान्तरण गरी आधुनिक अर्थतन्त्रको जग हामीले नै हालेका हौं । हिजोको कुन अवस्थाबाट हामी यस अवस्थामा आएका हौ भन्ने बुझ्न जरुरी छ । तथ्यांक पेस गर्दै उनले भने – ‘उदार आर्थिक नीति अवलम्वन गरी स्वदेशी विदेशी पुँजी आकर्षित गरिएपछि अर्थतन्त्रमा ठूलो विस्तार आएको छ । शिक्षा, स्वास्थ्य, बैंक तथा वित्तीय संस्था, विमान कम्पनी, सञ्चार सेवा, सडक यातायात, शुद्ध खानेपानी, विजुलीबत्तीमा पहुचमा विस्तार आएको छ । आर्थिक गतिविधिमा आएको विस्तारसँगै राजस्व असूली बढेको छ । ४८ सालमा वार्षिक १२ अर्बको राजस्व रहेकोमा अहिले ७ सय अर्बभन्दा बढी उठ्न थालेको छ र यही रकमलाई गाउँको विकासमा खर्च गर्ने गरिएको छ । ४८ सालमा ७ हजार किमी सडक रहेकोमा अहिले सबै किसिमका सडकहरुको हिसाव गर्दा ८० हजारभन्दा बढी मोटरबाटो बनिसकेको छ । सेवा विस्तारसँगै जनताको औषत आयु ५४ बर्षबाट बढेर ७१ बर्ष पुगेको छ । यो सबै कांग्रेसकै नीतिका कारण संभव भएको हो । ’
त्यसक्रममा कांग्रेसका प्रभावशाली नेता महतले नुवाकोटको समग्र विकासमा कम्युनिष्टको कुनै योगदान नरहेकाले आगामी निर्वाचनमा पनि नुवाकोटको विकासको सारथी नेपाली कांग्रेसले सबै क्षेत्रमा गर्विलो जित हासिल गर्ने बताए । ‘विपक्षीहरु अझै पनि कांग्रेस भित्र विवाद भए जितिएला भन्ने मृगतृष्णा पालिरहेका छन् । तर, नुवाकोटको कांग्रेस सम्पूर्णरुपमा एकताबद्ध रहेकाले उनीहरुको सपना सपनामै सीमित हुनेछ’, नेता महतको थप भनाइ थियो ।

Saturday, November 4, 2017

कांग्रेस नेता केसी भेटघाटमा


नुवाकोट सन्देश समाचारदाता
विदुर, कार्तिक १८ ।
मंसिर १० को निर्वाचनको मिति नजिकिँदै जाँदा नुवाकोटमा चुनावी सरगर्मी बढेको छ । प्रतिनिधीसभा तथा प्रदेश सभाका उमेदवारहरुले घरदैलो र राजनीतिक भेटघाटलाई तिब्रता दिएका छन् ।
नुवाकोट क्षेत्र नं २ का कांग्रेस उमेदवार अर्जुन नरसिंह केसीले शुक्रवारबाट भेटघाटलाई तिब्रता दिएका छन् । उमेदवार चयनका लागि नेपाली कांग्रेस केन्द्रिय समितिले गठन गरेको संसदीय बोर्डको सदस्य रहेका कारण दोश्रो चरणको निर्वाचनका लागि उमेदवार चयन गर्न राजधानीमा नै ब्यस्त रहेका केसी उमेदवारी चयनको काम सम्पन्न भएसँगै जिल्ला आएर राजनीतिक भेटघाटलाई तिब्रता दिएका हुन् । सदरमुकाम विदुरस्थित निजी नीवासमा केसीले शनिवार मात्रै जिल्लाका उद्योगी, ब्यापारी, वोद्धिक वर्ग, संचारकर्मी लगायत सँग छलफल गरेका छन् । भेटघाटका क्रममा नेता केसीले संविधान कार्यान्वयन र दिगो आर्थिक विकासका लागि नेपाली कांग्रेसले मुलुकको नेतृत्व गर्न जरुरी रहेको भन्दै लोकतान्त्रिक शक्तिलाई विजयी गराउन भूमिका निर्वाह गर्न आग्रह गरेका छन् । प्रेस युनियन आवद्ध संचारकर्मीसँगको भेटघाटमा नेता केसीले जिल्लाको विकास निर्माणमा आफूले गरेका कामहरुको स्मरण गर्दै जिल्लालाई सम्मुन्नत जिल्लाको रुपमा स्थापित गर्न आफू चुनावी मैदानमा आएको वताएका छन् । जिल्लाका संचारकर्मीहरुले राष्ट्रिय÷अन्तराष्ट्रिय छवि भएका नेताको उमेदवारीबाट यस क्षेत्रका नागरिक उत्साही रहेको धारणा ब्यक्त गरे । केसीले आजै विदुर नगरक्षेत्रका उद्योगी, ब्यापारी र युवाहरुसँग पनि भेटघाट गरेर चुनावी अभियान अघि बढाएका छन् ।
यसअघि तत्कालिन नुवाकोट क्षेत्र नं १ बाट लोकप्रिय मतका साथ विजयी भएका केसी क्षेत्र पुनरसंरचना सँगै क्षेत्र नं २ बाट प्रतिनिधीसभा उमेदवार बनेका हुन् । केसी क्षेत्र नं ३ बाट पनि यसअघि विजयी नेता हुन् ।


Thursday, November 2, 2017

डा महतद्धारा काठमाण्डौं ५ मा उमेदवारी, कार्यकर्ता तथा शुभचिन्तक उत्साही

नुवाकोट सन्देश संवाददाता
काठमाण्डौं । कार्तिक १५ गते
नेपाली कांग्रेसका केन्द्रीय सदस्य डा प्रकाशशरण महतले काठमाण्डौ क्षेत्र नं ५ वाट उमेदवारी दिनुभएको छ । मंसिर २१ म हुने प्रतिनिधीसभा निर्वाचनका लागि नेता महतले त्यस क्षेत्रबाट उमेदवारी दिुनुभएको हो ।
उमेदवारी दिन निर्वाचन अधिकृतको कार्यालय पुग्नुभएका महतको साथमा कांग्रेसका सयौ नेता कार्यकता तथा शुभ चिन्तक रहेका थिए । उमेदवारी दर्ता गर्दै डा महतले देशमा संविधान जारी भई कार्यान्वयन भईसकेको अवस्थामा अव आर्थिक संवृद्धीको वाटोमा अघि बढ्ने प्रतिबद्धता ब्यक्त गर्नुभयो । डा महतले हरेक परिवर्तनको नेतृत्व गरेको नेपाली कांग्रेसले नै आर्थिक सम्वृद्धीको नेतृत्व पनि गर्ने वताउनुभयो ।
उहाँले आफु क्षेत्र नंं. ५ को समग्र विकासका लागि प्रतिबद्ध भएर लाग्ने बताउनुभयो ।  डा. महतले क्षेत्र नं. ५ मा रहेका ऐतिहासिक एंव धार्मिक मठमन्दिर, जात्रा र पर्वहरुको संरक्षण र संर्बदनमा आफुले महत्वका साथ काम गर्ने समेत बताउनुभयो । उहाँले क्षेत्र नं. ५ का जनता लोकतन्त्र प्रति प्रतिबद्ध रहेकाले कांग्रेसको जित सुनिश्चित रहेको बताउँदै कार्यकर्तालाई उच्च मनोबलका साथ चुनावी अभियानमा लाग्न आब्हान गर्नुृभयो । त्यस अवसरमा नेपाली कांग्रेस काठमाडौं क्षेत्र नं. ५ का क्षेत्रिय सभापति रमेश खड्काले लोकतान्त्रिक मुल्य मान्यता जोगाउन पनि कांग्रेसलाई जिताउनु पर्ने बताउनुभयो । उहाँले क्षेत्र ५ ले सक्षम नेतृत्व उम्मेदवारका रुपमा पाएका कांग्रेस जित सुनिश्चित भएको विश्वास ब्यक्त गर्नुभयो । 
नेपाली कांग्रेसका वौद्धिक नेता नरहरी आचार्य विजयी हुँदै आउनुभएको यस क्षेत्रमा हाल आचार्य विरामी हुनुभएकोले डा महत निर्वाचनमा उठ्नुभएको हो । डा महतको उमेदवारी दर्ताका क्रममा भेला भएका काठमाण्डौं क्षेत्र नं ५ का नेता कार्यकर्ताले यस क्षेत्रमा नरहरी आचार्य जस्तै निष्ठावान र वौद्धिक नेताको आगमन भएको भन्द्र खुसीयाली ब्यक्त गरेका छन् ।