नारायणगढ-मुग्लिन सडकमा पहिरोमा परेर दुई यात्रु बस बगे, थप अर्को यात्रुबसमा ढुंगा लाग्दा चालकको निधन

चितवन —नारायणगढ मुग्लिन सडकको सिमलतालमा शुक्रबार बिहान साढे तीन बजे तिर पहिरोमा परेर दुईवटा यात्रुवाहक बस बगेको चितवन जिल्ला प्रहरी कार्यालयले जनाएको छ । त्यसैगरी सोही सडक खण्डको १७ किलोमा अर्को यात्रुबसमा पहिरोबाट झरेको ढुंगाले लागेर चालकको निधन भएको पनि प्रहरीले जनाएको छ ।

नुवाकोटमा शंख बजाउने तालिम हुने

नुवाकोट / नेपाल शान्ति एवम् विकास केन्द्र नुवाकोट एफएम १०६.८ ले शंख बजाउन सिकाउने भएको छ ।  ९ बर्ष देखि १५ बर्शसम्मका बालबालिकालाइ तालिम दिन लागिएको आयोजक सन्स्थाले जानकारी दिएको छ । 

२०८१ साउन ७ गतेदेखि १२ गतेसम्म विदुर नगरपालिका बडा नम्बर ५ देवीघाट,  ४ को हरावाघर र  १ को त्रिशुली बजारमा   दक्ष प्रशिक्षकले प्रशिक्षण दिनेछन्।  तालिममा ७० जना भन्दा बढी किशोर किशोरीले सहभागिता जनाउने प्रतिबद्धता व्यक्त गरेका छन्। सहभागी

सख्याको आधारमा तालिम दुई वा तीन समूहमा आयोजना गरिनेछ। तालिमका सहभागीले प्रमागपत्र तथा उत्कृष्ट हुने सहभागीलाई पुरस्कारको पनि व्यवस्था गरिएको रेडियोका स्टेसन मेनेजर श्रीराम अधिकारीले जानकारी दिए । 

लिखु गाउँपालिका अनिवार्य तथा निःशुल्क शिक्षा लागु भएको स्थानीय तह

६ जेठ, २०८१ । नुवाकोट । 

नुवाकोटको लिखु गाउँपालिकालाइ अनिवार्य तथा निःशुल्क शिक्षा लागु भएको स्थानीय तह घोषणा गरिएको छ । वुधवार लिखु गाउँपालिकाको शिक्षा युवा तथा खेलकुद शाखाले एक कार्यक्रमका विच गाउँपालिकालाइ अनिवार्य तथा निःशुल्क शिक्षा लागु भएको स्थानीय तह घोषणा गरेको हो । 

घोषणा कार्यक्रममा लिखु गाउँपालिकाका अध्यक्ष धु्रव श्रेष्ठले कुनै पनि बालबालिका शिक्षाबाट बञ्चित हुन नपरोस् भन्ने उद्देश्यका साथ सञ्चालित अनिवार्य तथा निःशुल्क शिक्षा गाउँपालिकामा लागू गरिएको बताए । उनले पालिका भित्रका सबै वडाहरुमा पनि अभियान संचालन सम्पन्न भई गाउँपालिकालाई नै अनिवार्य तथा निःशुल्क शिक्षा कार्यान्वयन घोषणा गरिएको बताए ।

 कार्यक्रममा पालिकाका प्रमुख प्रशासकीय अधिकृत नारायणवहादुर विष्टले पालिकाभित्र अझै पनि ४ देखि १३ वर्ष सम्मका कुनै पनि बालबालिकाहरु विद्यालय नगएको भेटिएमा तुरुन्त नजिकको विद्यालयका प्रधानाध्यापक, वडा कार्यालय वा लिखु गाउँपालिका शिक्षा युवा तथा खेलकुद शाखामा सम्पर्क गरिदिन आग्रह गरेका छन् ।  घोषणा कार्यक्रममा लिखु गाउँपालिकाका विभिन्न वडाका वडा अध्यक्षहरु, कार्यपालिका सदस्यहरु, वडा सदस्यहरु, कर्मचारी, शिक्षक तथा विद्यार्थीको उपस्थिती रहेको थियो । 

भलिबल प्रतियोगिताको उपाधि सुन्दरा माविलाई

६ जेठ, २०८१ । नुवाकोट । 

नुवाकोटको तादी गाउँपालिकामा आयोजित प्रथम उपाध्यक्ष महिला भलिबल प्रतियोगिताको उपाधि सुन्दरा माविले जितेको छ । गाउँपालिकाका ६ वटा विद्यालयको सहभागितामा सञ्चालित प्रतियोगिताको प्रथम उपाधि सातविसेको सुन्दरामाविले प्राप्त गरेको हो । 

प्रतियोगितामा द्धितिय स्थान सून्दादेवी मावि र तृतिय स्थान सुन्दरा मावि उर्लेनिले प्राप्त गरेको हो । वुधवार तादि गाँउपालिका उपाध्यक्ष सन्जु प्याकुरेलको सभापतित्वमा सम्पन्न पुरस्कार वितरण कार्यक्रममा विजयी विद्यालय र उत्कृष्ट खेलाडिलाई नगद पुरस्कार सहित ट्रफी वितरण गरिएको छ । यस्तै, विभिन्न विद्यामा उत्कृष्ट भलिबल खेलाडिहरुलाई मेडल तथा अतिथि तथा प्रशिक्षकहरुलाई मायाको चिनो प्रदान गरिएको छ । 

पुरस्कार वितरण कार्यक्रममा बागमती प्रदेश सभा सदस्य राधिका तामाङले खेलकुदले किशोरकिशोरी विद्यार्थीलाई अनुसाशित वनाउने भएकोले यस्ता प्रतियोगिता उपयोगी रहेको वताईन् । कार्यक्रममा जिसस नुवाकोटका प्रमुख श्री रजिन्द्र विक्रम सिंह ठकुरी, तादी गाउँपालिका अध्यक्ष सन्तमान तामाङ, प्रमुख प्रशासकीय अधिकृत नन्दलाल शर्मा, तादी गाउँपालिका विभिन्न वडाका वडा अध्यक्षहरु, कार्यपालिका सदस्यहरु,वडा सदस्यहरु, कर्मचारी, शिक्षक तथा विद्यार्थीको उपस्थिती रहेको थियो । 

‘हाइटेन्सन’ लाईनको विद्युतले नुवाकोटमा १२ वर्षीया बालिकाको ज्यान गयो

६ जेठ २०८१ । नुवाकोट  

‘हाइटेन्सन’ विद्युतीय प्रशारण लाइनको करेन्ट प्रवाह हुदाँ नुवाकोटमा एक १२ वर्षीया बालिकाको ज्यान गएको छ । शनिबार दिउँसो भएको घटना लगत्तै गम्भीर घाइते बालिकाको कीर्तिपुरस्थित वर्न अस्पतालमा उपचारको क्रममा बुधवार निधन भएको हो ।

मृत्यु हुनेमा बेलकोटगढी नगरपालिका वडा नंं ३ की १२ वर्षीया इन्दिरा राई रहेकी छिन् । बाख्रा चराउन गएको समयमा हाईटेन्सन लाईनको करेन्ट प्रवाह हुँदा उनी घाईते भएकी थिईन् । बेलकोटगढी १३ का स्थानीय राजेशजंग थापाका अनुसार ६६ केभीको ’त्रिशूली बालाजु ग्रिड’ अन्तर्गतको ’हाइटेन्सन लाइन’को करेन्टको प्रभावले शरीरको अधिकांश भाग जलेको र आर्थिक अभावले समयमै प्रभावकारी उपचार नपाउदाँ निधन भएको हो । बालिकाको घरायसी आर्थिक अवस्था कमजोर भएकोले उपचार गरिदिन प्राधिकरणको काठमाडौको मिनभवनस्थित शाखामा पीडित परवार, बालिकाको स्थायी ठेगाना भएको लिखु–३ को वडा कार्यालय र घटनाभएको स्थान बेलकोटगढी– १३ को वडा कार्यालयले पत्राचार गरेपनि वेवास्था गरेको कारण बालिकाको प्रभावकारी उपचारको अभावमा निधन भएको बालिकाको बुबा मनोज राईले गुनासो गर्नुभयो ।

प्राधिकरणको कर्मचारीको लापराहीको कारण प्रशारण लाइनको तार झोलिएको अबस्थामा उक्त तारमा प्रभाव भएको करेन्टको प्रभावले बालिकालाई करेन्ट लागेर गम्भीर घाइते भएको र उपचारको लागी समेत सहयोग नगरेको कारण पीडित परिवारले अस्पतालबाट शव बुझ्न अस्वीकार गरेका छन् । उक्त घटनाको बिरोधमा स्थानीय रुपमा प्राधिकरण विरुद्ध चरम असन्तुष्ट उत्पन्न भएको छ । स्थानीय सरकार, दलीय प्रनिनिधि, सरोकारवालाहरुबाट उक्त घटनामा प्राधिरकरणले प्रशारण लाइन राम्रोसंग नसक्नु, घटना पश्चात उपचारको लागी सहयोग नपुराउनु लगायतमा चरम लापरबाही भएको भन्दै असुन्तुष्टि जनाइएको हो ।

वागमती एफएम